கிச்சன் ஃபான் range hood கிளீனிங்

கிச்சன் ஃபான் range hood ( kitchen fan,kitchen ventilator} ஒரே நிமிடத்தில் சுத்தம் செய்ய

சுலபமாக அடிக்கடி எண்ணெய்ப்பிசுக்கு ஒட்டிக்கொள்ளும் ஒரு இடம் இது.

தினமும் சமையல் முடித்து துடைக்காவிட்டால் எண்ணெய் கிரீஸ் போல் சேர்ந்து விடும்.

சமர் வந்ததும் அடிக்கடி சாப்பாடு ,ஸ்னாக்ஸ் செய்து எடுத்துக்கொண்டு பிக்னிக் போவதால் சுத்தம் செய்யாமல் விட்டு கிரீஸ் போல் படிந்து விட்டிருந்தது என்னுடைய கிச்சன் range hood....

அவசரமாக வீடு சுத்தம் செய்யும் தேவை ஏற்பட்டபோது ,எனக்கு முன் இந்த அழுக்கை கவனித்துக்கொண்ட என் வீட்டார் ஒரே சத்தம் .இங்க வந்து பார் இது கிளீன் பண்ண 2 மணித்தியாலம் போதாது போல என்று.

எப்படி செய்ய்வது என்று தெரியாமல் கோவமாக அந்த கறையே பாத்துக்கொண்டு நிற்கும் வேளையில், மகாராணி கணக்கில் அந்த இடத்துக்கு சமூகமளித்த நான்


என் பிரதான கிளீனிங் பொருளான பேக்கிங் சோடாவை எடுத்து
அந்த கிறீஸ் மேல் தூவி ஒரு ஸ்பொஞ் {scrup sponge} ஐ எடுத்து தூவிய பேக்கிங் சோடாவை பரவி விட்டு உடனேயே வழித்து எடுத்து விட்டேன்.

அவ்வளவுதான் எல்லா அழுக்கும் அந்த ஸ்பொஞ் ல் ஒட்டிக்கொண்டது.
பேக்கிங் சோடா அழுக்கை எப்படி உறிஞ்சி வைத்துள்ளது என பாருங்கள்.
ஒரே நிமிடம்தான்.

அதாவது


1.எண்ணெய்ப்பிசுக்கின் மேல் பேக்கிங்க் சோடாவை தூவவும்

2.ஒரு ஸ்கர்ப் ஸ்பொஞ் {scrup sponge} எடுத்து பரவி விட்டு

3.அதே ஸ்பொஞ் ஆல் வழித்து எடுத்து விட்டு துணியால் துடைத்து விடுங்கள்.

விரும்பினால் இவ்வாறு செய்த பின் கிச்சன் சோப் தோய்த்த துணியால் துடைத்து விடுங்கள்.

இதில் மட்டுமல்ல எங்கே நீங்கள் எண்ணெய் பிசுக்கை போக்க விரும்பினாலும் தண்ணீர் கலக்காமல் பேக்கிங்க் சோடாவை தூவி துடையுங்கள்.

பளீச் பளீச்

ஈஸி தக்காளி சாதம்

தேவையானவை
சாதம் 2 கப்
தக்காளி 4...
வெங்காயம் 1
கடுகு ,கருவேப்பிலை,சீரகம்
பச்சை மிளகாய் 2
இஞ்சி ஒரு சிறு துண்டு
உளுந்து 1 டேபிள் ஸ்பூன்
கரம் மசாலா 1 டீ ஸ்பூன்
தனி மிளகாய்த்தூள் 1 டேபிள் ஸ்பூன்
எண்ணெய்

தக்காளியை சிறு சிறுதுண்டுகளாக நறுக்கவும். வெங்காயத்தையும் அதேபோல் நறுக்கி வைத்து விட்டு.

பாத்திரத்தை சூடேற்றி கடுகு ,கருவேப்பிலை ,பச்சை மிளகாய்,உளுந்து தாளித்து

 பின் வெங்காயம், இஞ்சி ,கரம் மசாலா ஆகியவற்றையும் சேர்த்து வதக்கி அதன் பின் உப்பு,மிளகாய்த்தூள் சேர்த்து

அதற்குள் வெட்டி வைத்துள்ள தக்காளியை கொட்டி நன்கு வதக்கவும்..
இதனுள் சாதத்தை கொட்டி கிளறி விரும்பினால் மல்லி இலை தூவி பரிமாறவும்.

அன்னாசிக்குருவி

தேவையானவை

அன்னாசி
டுத் பிக்(tooth pick)
கருப்பு திராட்சை

1.அன்னாசியை குறுக்காக பாதியாக வெட்டி அந்த பாதியை மறுபடியும் குறுக்காக வெட்டி மேலும்  2  துண்டுகள் ஆக்கவும்.

2.படத்தில் காட்டியது போல் மேல் பக்கத்தில் கூராக இருக்கும் தண்டை மெலிதாக சீவவும் .

3. இதேபோல் இன்னொரு தடவை செய்யவும்.

4.அவ்வாறு சீவிய பகுதியை படத்தில் காட்டியதுபோல் வளைத்து அதற்குள் கருப்பு திராட்சையை வைத்து குச்சியால் குத்தவும்.

5.இப்போது அன்னாசியின் சதையை தோலில் இருந்து பிரிக்கும் படியாக கீழ் பாகத்தில்  வெட்டவும்.



6. அப்படியே வைத்துக்கொண்டு  வரி வரியாக துண்டுகள் ஆக்கவும் .

7.துண்டுகளை இடம் வலமாக மாற்றி மாற்றி வெளியே நோக்கி தள்ளி விடவும் .

அழகான குருவிகளுக்கு வேறு பழங்களை சாப்பிட கொடுப்பதுபோல் அலங்கரிக்கவும்.

கருவேப்பிலை பழுதாகாமல் இருக்க

வெளிநாடுகளில் வசிப்பவர்களுக்கு தமிழ் சமையல்கள் செய்ய கருவேப்பிலை உள்ளூர் போல் பிரஷ் ஆக தினமும் வாங்கி உபயோகிக்க முடியாது.

ஒரு தடவை வாங்கினால் அதில் கடைசி இலை தீரும் வரை பிரிஜ் ல் வைத்திருந்து உபயோகிப்போம்.

இந்த கருவேப்பிலையை கடைசி இலை வரைக்கும் முடிந்தவரை வாடாமல் அழுகாமல் உபயோகிக்க வேண்டுமாயின்,
எத்தனையோ வழி இருந்தாலும் நேரத்தையும், எடுக்கும்போதும் வைக்கும்போதும் ஏற்படும் சிரமத்தை தவிர்க்கவும்
cheese keeper box ஒன்றை எடுத்து அதற்குள் இந்த கருவேப்பிலையை தண்டுகளை நீக்கி விட்டு மூடி ப்ரிஜ் க்குள் வைத்தால் அப்படியே 2 வாரத்திற்கு பிரஷ் ஆக இருக்கும்

easy tutu skirt

மிகவும் சுலபமாக மிகவும் அழகாக குழந்தைகளுக்கு ஒரு ஆடை தைக்க முடியும் என்றால் அது இந்த tutu எனப்படும் ஆடைதான் என்பேன்.

தேவையானவை

 நெட் அல்லது மிகவும் மெல்லிய சோர்வான துணி...
கத்தரிக்கோல்
லாஸ்ரிக் அல்லது ஹெட்பாண்ட்

1.துணியை 10செண்டி மீட்டர் அகலமும் குழந்தையின் உயரப்படி உயரத்தின் இரு மடங்கும் எடுத்துக்கொள்ளுங்கள்.
{அதாவது நீளம் 2 மடங்கு ஏன் எடுக்க வேண்டும் என்றால் சரிபாதி யாக மடிக்க வேண்டி வரும்}

2.ஒரே அளவாக துணிகளை வெட்டி வைத்துக்கொள்ளுங்கள்.

3.வெட்டிய துணி ஒன்றை எடுத்துபடத்தில் காட்டி உள்ளதுபோல் இரண்டாக சுருக்கி லாஸ்டிக் ல் மேலிருந்து கீழாக கொண்டுபோய் பின் இரண்டு முனைகளையும் அந்த இடைவளி வழியாக எடுத்து இறுக்குங்கள்

அவ்வளவேதான் இதேபோல் ஒவ்வொன்றாக தேவையான சுற்றளவு வந்ததும் லாஸ்டிக் ஐ வெட்டி இணைத்து விடுங்கள்.

ஒரே வண்ணத்திலோ விரும்பிய 2 அல்லது அதற்கு மேற்பட்ட வண்ணங்களையோ தெரிவு செய்து குறைந்த நேரத்தில் செய்து முடித்துவிடலாம்.ஒரு தடவை அணிந்த பின் அல்லது இன்னொரு குழந்தைக்கு அணிவதாயின் இந்த துணிகளை
அப்படி கழற்றி எடுத்து மாறுபட்ட நிறங்களில் செய்து கொள்ளலாம்.

ஒருதடவை இந்தியா சென்றிருந்த போது பக்கத்து வீட்டு குழந்தையின் அம்மா தேவையில்லாத 4 சில்க் துப்பட்டாக்களை விளையாட கொடுத்திருந்தார்.

நான் அதை வாங்கி வெட்டி என்னுடைய ஹெட் பாண்ட் ல் அழகாக கோர்த்து ஒரு ரிப்பனை குறுக்கே வைத்து மிக அழகாக ஒரு ட்ரெஸ் செய்து கொடுத்தேன்.
குழந்தை அணிந்த போது பொம்மை மாதிரி இருந்தது .அம்மாக்கும் குழந்தைக்கும்
அளவற்ற சந்தோசம்.

யெஸ்ஸ்ஸ் இந்த ஆடையில் குழந்தைகள் மிக அழகாக தெரிவார்கள் முயன்று பாருங்கள்.

foam mat footwear

kids foam floor mat ல் குழந்தைகளுக்கு காலணி செய்ய

தேவையானவை

ஃபோம் மட்,
 duck tape அல்லது துணி ,
சப்பாத்து கட்டும் நூல்
,க்ளூ
,கத்தரிக்கோல்,
முத்துக்கள்
அல்லது பூக்கள்

1.குழந்தையின் காலணியை எடுத்து இந்த ஃபோம் மட் ல் வைத்து படத்தில் காட்டியதுபோல் வரைந்து வெட்டவும்.

2.குழந்தைகளுக்கு பிடித்த hello kitty டக் ரேப் ,minion டக்ரேப் ,அல்லது hello  kitty துணி எதையாவது எடுத்துக்கொள்ளுங்கள்

3.நீங்கள் வரைந்து வெட்டிய காலணியின் அடித்தளத்தை, தரையில் படும் பக்கம் தவிர்த்து  ஒட்டி கவர்பண்ணுங்கள்.

4.ஏற்கனவே அளவெடுக்க எடுத்துக்கொண்ட குழந்தையின் காலணியில் உள்ள துளைகளின் படி ஒப்பிட்டு அதே இடத்தில் வருமாறு ஒரு பேனாவால் துளையிடுங்கள்.

5.சப்பாத்து நூலை எடுத்து இரண்டு முனைகளையும் க்ளூவால் ஒட்டி சுற்றி கொஞ்சம் க்ளூ பூசி மேலே உள்ள துளைக்குள் சொருகுங்கள்

6.பக்கங்களில் போட்ட துளைக்குள் நூலை  சொருகி மறுபக்க  எடுத்து க்ளூ பூசி பின்னால் ஒட்டி விடுங்கள்.

7. இப்போது விருப்பியதுபோல்  பூவைத்தோ முத்து வைத்தோ அலங்கரியுங்கள்.

பார்ப்பதற்கு மிகவும் அழகான காலணி தயார் .நடக்க தொடங்காத குழந்தைகளுக்கு குட்டி சைஸ் ல் கடையில் கிடக்காது.இவ்வாறு செய்து அணிவிக்கலாம்.
அத்தோடு கீழே அனுப்பி ஒட்டிய சப்பாத்து நூலை விரும்பினால் வெளிப்பக்கத்தாலேயே மேலே கொண்டு வந்து முடிச்சு போட்டு விடலாம்.

minions decoration

குழந்தைகளுக்கு நமக்கு பிடித்ததை செய்வதை விட அவர்களுக்கு பிடித்த சின்ன சின்ன விடயங்களுக்கு நாம் மதிப்பளிக்கும்போது நம்முடன் மேலும் நெருங்கிவிடுவார்கள்.

நமக்கு சிறிதாக தெரியும் சில விஷயங்கள் அவர்கள் நடவடிக்கையையும் நம்மீது வைக்கும் மரியாதையையும் பிணைப்பையும் மாறுபடச்செய்யும்.
...

குறிப்பாக பிறந்தநாள்களுக்கு நமக்கு பிடித்ததையும் நாம் அழைப்பு விடுத்தவர்களுக்கு பிடித்தது போலும் செய்யாமல் குழந்தைகள் பாணியில் அவர்களுக்கு உவகை ஊட்டுவதை செய்தால் மனம் நிறைந்து போவார்கள்.

இதோ இந்த minions களை பிடிக்காத குழந்தைகள் இருக்கமாட்டார்கள் .(எனக்கும் ரெம்ப பிடிக்கும்} அப்பப்போ இவை மாறுபடுவதால் பின்னாளில் கூட அவர்கள் இந்த minions சீசன் ஐ அனுபவித்ததை நினைவு கூருவார்கள்.
மிகவும் சுலபமாக பழங்களை வெட்டி காயப்படுத்தாமல் இவற்றை அலங்கரித்துள்ளேன்.

தேவையானவை
ஏ4 தாள்
நீலம்,கருப்பு கலர்கள்,
கிராஃப்ட் கண்கள்ப
பழங்கள்
 டேப் அல்லது  க்ளூ

1.ஏ4 தாளை மடித்து படத்தில் காட்டியதுபோல் வெட்டி நீல வண்ணம் கொடுத்துக்கொள்ளுங்கள்.பாக்கட் ம் வரையுங்கள்
.
2.மெல்லிய நேர் கோட்டு தாளில் கண் க்கு 2 வட்டம் வரைந்து அந்த வட்டத்திற்குள் கிராப்ட் கண்களை ஒட்டுங்கள்.

3.இப்போது இவற்றை பழங்களில் படத்தில் காட்டியதுபோல் உரிய இடங்களில் வைத்து ஒட்டி விடுங்கள்.

இதேபோல் மஞ்சள் தக்காளியை ஒன்றன்மேல் ஒன்று வைத்து செய்துள்ளேன்.

இதோடு பலூன் ல் யூஸ் போத்தல்களில் எல்லாம் இப்படி நாமே செய்து வைக்கலாம்.