அன்னாசி புருட் ஸ்டாண்ட்

தேவையானவை
அன்னாசி 1
திராட்சை கறுப்பு கால் கிலோ
திராட்சை பச்சை கால் கிலோ
ஸ்ராபெரி அரை கிலோ
டொமாட் ஷெரி 100 கிராம்
ப்ளூபெரி 100 கிராம்
பழங்களை உங்கள் விருப்பத்திற்கு தெரிவு செய்யலாம் தவிர்க்கலாம்.

இது மிகவும் சுலபம் காரணம் அன்னாசியில் வரிகள் ஏற்கனவே இருக்கும் .சீவிய பின்னும் சரிவான வரிகள் மெலிதாக காணக்கூடியதாக இருக்கும்.அப்படி வரிகளை காணவில்லையா கவலை வேண்டாம்
அன்னாசியில் உள்ள புள்ளிகள் கூட ஒரு ஒழுங்கிலேயே இருக்கும்.அதை வைத்து சுலபமாக வரிசையாக பழங்களை சொருகி விடலாம்
.
1.அன்னாசியை மேலே உள்ள தண்டு இலையை வெட்டி வீசாமல் அப்படியே வைத்து தோலை சீவிக்கொள்ளவும்.

2. பலவண்ண திராட்சைகள்,ஸ்டாபெரி,புளூபெரி என கிட்டத்தட்ட அளவுகளில் ஒத்துப்போகக்கூடிய பழங்களை தெரிவுசெய்து கழுவி சுத்தம் செய்து கொள்ளவும்

3.பல்லுகுத்தும் குச்சிகளை எடுத்து பழங்கள் ஒவ்வொன்றிலும் குத்தவும். அல்லது அன்னசியிலும் குச்சியை  வரிசையாக குத்தி விட்டு பழங்களை மாட்டலாம்

4. இப்போது நீங்கள் தோல் சீவி வைத்துள்ள அன்னாசியில் குச்சியில் குத்திய பழங்களை வரிசையாய சரிவாக மேலிருந்து கீழாக ஒன்று ஒன்றாக குத்துங்கள்.

5.இதேபோல் ஒருவகை பழத்திற்கு ஒரு வரி என குத்திக்கொண்டே போகவேண்டும்.

6.இப்போது அன்னாசி தெரியாமல் பழங்களை நிரப்பிவிடுங்கள்.அவ்வளவுதான்.

உங்கள் பிறந்தநாள்களையும் பார்ட்டிகளையும் சிறப்பிக்கவும் போட்டோக்களை அழகாக்கவும் செய்து பாருங்கள்.

ஒனியோன் வாஸ்

நாம் சமைத்த உணவுகளை அப்படியே தூக்கி மேசையில் வைத்து பரிமாறுவதற்கும் உண்ணும் பொருட்களாலேயே அலங்காரங்கள் செய்து பரிமாறுவதற்கும் எவ்வளவு வித்தியாசமும்
மெருகூட்டலும் திருப்தியும் கிடைக்கும் என்பது (food presentation) ஒருமுறையாவது செய்து பாருங்கள் புரியும்.


இங்கு 2 நிமிடங்களில் செய்துவிடக்கூடிய ஒரு உணவு அலங்காரம் செய்து காண்பித்துள்ளேன்.

1.வெங்காயத்தை எடுத்து தோல் நீக்கலாம் நீக்காமலும் விடலாம்.
2.படத்தில் காட்டியது போல் மேலும் கீழும் கொஞ்சம் வெட்டி நீக்கிவிடுங்கள்.
3.நடுவில் உள்ள வெங்காய இதழ்கள் சிலதை குடைந்து எடுத்து விடவும். விரலினால் தள்ளி துளைபோல் ஆக்கி விடலாம்.
4.இப்போது வாஸ் போல் இருக்கும் வெங்காயத்தின் துளைக்குள் கருவேப்பிலை, மிளகாய் ,கொத்தமல்லி ,காய்கறிகளில் செய்த பூக்கள் போன்ற விரும்பியவற்றை வைத்து அலங்கரிக்கலாம்.
வெங்காயம் வெள்ளை,சிவப்பு ,மஞ்சல் போன்ற வண்ணங்களில் கிடைக்கிறது.விரும்பினால் எல்லா வண்ணங்களிலும் செய்தும் அழகு படுத்தலாம்

சொக்லேட் பொக்கேவ்

கொண்டாட்டங்கள் செய்யும் போது எல்லோருமே அதிகம் பேரால் செய்யப்படாத மாறுதலான வித்தியாசமான சிலவற்றை செய்ய விரும்புவோம்.

 அந்த வகையில் விழாக்களில் சொக்லேட் பொக்கேவ் செய்வது பார்க்க அழகாகவும் பயனுள்ளதாகவும் இருக்கும்.

விழாக்களின் தரத்திற்கு ஏற்ப பெரிது சிறிதாக செய்து கொள்ளலாம்.வீட்டில் செய்யும் பிறந்த நாள் பாட்டிகளுக்கு மிகவும் ஏற்றதாக இருக்கும்.
...

இங்கு ஒரு மிக சுலபமான முறையை சொல்லி தருகிறேன்

தேவையானவை

சொக்லட்ஸ் 6
க்ரேப் பேப்பர்
பென்சில்
பார்பிக்யூ ஸ்டிக் 6

.
1.சொக்லட்ஸ் ,குச்சிகள்,கிரேப் பேப்பர் ,கத்தரிக்கோல்,பென்சில்,புளோரல் ரேப் என்பவற்றை எடுத்துக்கொள்ளுங்கள்

2. 6சென்ரிமீட்டர் நீளம்*6சென்ரி மீட்டர் அகலம் என்ற வகையில் கிரேப் பேப்பரை கத்தரித்துக்கொள்ளுங்கள்
.
3.ஒரு பென்சிலில் வைத்து சுத்தி 2 முனையையும் நெருக்கி சுருக்கிக்கொள்ளுங்கள்.

4.பின்னர் சுருக்கியதை கழற்றி 2 முனைகளையும் கொஞ்சம் இழுத்துக்கொள்ளுங்கள்

5. அவ்வளவுதான் குச்சியில் முதலில் சொக்லேட் ஐ வைத்து புளோரல் டேப்பால் சுத்தி அதன் பின் தயார் செய்த கிரேப் பேப்பர் இதழ்களை ஒவ்வொன்றாக சுற்றி தொடர்ந்து குச்சியையும் சுற்று முடிக்கவும்.

6.கொத்தாக செய்து விரும்பியபடி அலங்கரிக்கவும்.

பாப்கான்

எல்லோருக்கும் பிடித்த பாப்கான் ஐ மிகவும் சுலபமாக 5 நிடங்களில் செய்வதற்கு ,

தேவையானவை

சோளம் 1 கப்
எண்ணெய்  2 டேபிள் ஸ்பூன்
அல்லது பட்டர்  2 டேபிள் ஸ்பூன்

செய்முறை
1.மூடக்கூடிய ஒரு பாத்திரத்தை அடுப்பில் வைத்து ஈரம் காய்ந்ததும்  எண்ணெய் அல்லது பட்டர் போடவும்

2.அதற்குள்  சோளன் ஐ சேர்த்து மிதமான நெருப்பில் மூடி விடவும் .

3.வெடிக்க தொடங்கி சத்தம் வரும்போது மூடியை திறக்காமலே குலுக்கி விடவும்

.அவ்வளவு சோளன் ம் மிகவும் அருமையாக பூத்து மூடியை தானே தள்ளும் .அல்லது வெடிக்கும் சத்தம் குறைந்ததும் திறந்து உப்பு ,சுகர் ,சீஸ் என்று நமக்கு பிடித்ததை சேர்த்து குலுக்கி சாப்பிடலாம்

பூசணி சூப்

தேவையானவை
பூசணி அரை கிலோ
பச்சை மிளகாய் 1
உள்ளி 1 பல்லு
மிளகு 5
ஷவ க்ரீம் sour cream 1 கப்

செய்முறை


1பூசணியை தோல் விதை நீக்கி கழுவி சுத்தம் செய்து ,துண்டுகளாக நறுக்கவும்


2. பூசணித்துண்டுகளுடன் தேவையான அளவு உப்பு ,பச்சை மிளகாய், பூடு ,மிளகு, 1 கப் தண்ணீர் சேர்த்து வேக வைக்கவும்

3. இவற்றுடன்  ஷவ கிறீம் சேர்த்து  ப்ளெண்டாரால்  அல்லது மிக்சியில் 1சுத்து சுத்தி எடுத்தால் மிகவும் சுவைகொண்ட கிரீமி பூசணி சூப் சில நிமிடங்களில் தயாராகிவிடும்.

ப்ரிஜ் கிளீனிங்

குளிர்சாதன பெட்டியை [பிரிட்ச்] சுலபமாக அதேநேரம் தேவையற்ற மணங்களையும் கிருமிகளையும் அறவே ஒழித்து சுத்தம் செய்ய


பேக்கிங் சோடா  கால் கப்
 லெமன் யூஸ் கால் கப்
 வினிகர் கால் கப்
 பாத்திரம் தேய்க்கும் சோப்  2துளி

 இவற்றை கலந்து இந்த கலவையை ஒரு துணியில் தோய்த்து பிரிட்ச் ன் உள்பாகம் வெளிப்பாகம்
எல்லாவற்றையும் நன்கு துடைத்து இன்னுமொரு துணியால் அந்த ஈரத்தை துடைத்து விட்டால் போதும் மாசக்கணக்காக பிரிட்ச் மணங்கள் அழுக்குகள் நீங்கி பார்க்க பளிச் என்று இருக்கும்.

...

இத்துடன் அடிக்கடி பிரிட்ச் அசுத்தமாகாமல் இருக்க உள்ளே வைக்கும் எல்லாவற்றையும் டப்பாக்குள் அடைத்து வைத்தால் போதும்.

காய்கறி ,மீதமுள்ள உணவு ,எதுவாக இருப்பினும் அதுக்கேற்ப டப்பாக்களில் உள்ளே இருப்பது தெளிவாக தெரியும்படி வைத்தால் பார்ப்பதற்கும் அழகாக இருக்கும்.
எந்த அவசர நேரத்திலும் அந்த அடுக்கையும் அழகையும் கலைக்க மனசு வராது.
அப்படி அடுக்கு கலைந்தால் கூட சில நிமிடங்களில் மீண்டும் அழகாக அடுக்கிவிடலாம்.

அரைத்த வல்லாரை சம்பல்

தேவையானவை

வல்லரை 1 கட்டு...
தேங்காய்ப்பூ ஒரு கைப்பிடி
சின்ன வெங்காயம் 2
பச்சை மிளகாய் 1
எண்ணெய் 1 டேபிள் ஸ்பூன்
லெமன் சிறிது
உப்பு

செய்முறை
1. வல்லாரையை சுத்தம் செய்து அரிந்து கொள்ளவும்.பெரிதாகவே அரியலாம்.

2.கொஞ்ச எண்ணெய் விட்டு வதக்கி எடுத்து கொள்ளவும் .

3.சின்னவெங்காயம், தேங்காய்ப்பூ அல்லது சிறு துண்டு தேங்காய் ,காரத்துக்கேற்ப பச்சை மிளகாய் ,உப்பு
எல்லாவற்றையும் சேர்த்து மிகவும் கொஞ்ச தண்ணீர் விட்டு மிக்சியில் அடித்து எடுக்கவும்

4. சாப்பிடும் போது தேசிக்காய் சேர்த்து சாப்பிடவும் .



வல்லாரை சத்துக்கள் மிகுந்தும் ஞாபகசக்தியை அதிகரிக்கும் ஒரு கீரையாகவும் ,குழந்தைகளும் பெரியோர்களும் கண்டிப்பாக சாப்பாட்டில் சேர்த்துக்கொள்ள வேண்டி இருந்தாலும் பலரும் விருப்பத்துடன் சாப்பிடுவதில்லை .
ஆனால் அரைத்து செய்யும் சம்பல் விரும்பி சாப்பிடகூடியதாக இருக்கும் .