நாம வூட்டாண்ட கார் பார்க் பண்ணி வைக்கிறாப்லயே இல்ல

வெஜிடபிள் ஆப்பு

இன்று எனக்கு வெளிவேலைகள் அதிகம் இருந்தது .ஒரு சீஸன் தொட்டதுக்கெல்லாம் வெளிச்சாப்பாடுதான்.காலையில் சிலநேரம் நல்ல கோப்பி வாசனை வரும் .கனவு காண்கிறேனோ என்று நினைச்சு எழும்பினால் .
கோப்பியும் ப்ரேக்ஃபாஸ்ட் ம் ஹஸ் வாங்கி வந்து எழுப்பிய அதிகாலைகள் அதிகம்.
இரண்டு பேரும் சேர்ந்து வீட்டிலிருந்து புறப்பட்டு வெளியே ப்ரேஃக்பாஸ்ட் எடுத்துவிட்டு பிரிந்து வேலைக்கு சென்று மதியம் ரெஸ்ராரண்ட் இல் சாப்பிட்டு இரவு சாப்பாடு டேக் அவுட் எடுத்துக்கொண்டு 
வீட்டுக்கு வந்த நாட்களும் அதிகம்.

சமையல் மணமே இல்லாமல் விதவிதமான காண்டில்ஸ் வாசனைகளை மட்டுமே வீட்டில் முகர்ந்த நாட்களும் அதிகம்.

ஆனால் இப்போதெல்லாம் வெளியே டீ தவிர எதையும் சுவைப்பதில்லை.ஒரு டோனட் வாங்குவதென்றால் கூட அருவருப்பாக இருக்கிறது.
மகள் ஒரு செண்ரிம் க்கு பெறுமதி இல்லாத சைனா விளாட்டுப்பொருளுக்காக வாங்குற மக்டோனல்ட் ஹப்பிமீல்ஸ் ஐ வழக்கம்போல என்னிடம் தரும்போது ரெம்ப கடுப்பாகுறேன்.அவளவு அருவருப்பு .

இன்று என் ஹஸ் ;அம்மா சாப்பாடு நீங்க எடுக்குறீங்களா நான் வரும்போது எடுத்து வரவா??? 
என்ன வேணும்????
மீ; நோப் நான் சட்டெண்டு சமைக்கப்போறேன் .
ஹஸ் ; என்னது 5 நிமிஷத்தில எனக்கு ஆப்பு வைக்கிறதுக்குத்தானே ப்ளான் பண்றாய்??? 
மீ; யெஸ்ஸ்ஸ் பாஸ் அதே தான்.....

இதோ இதுதான் இன்று நான் ஹஸ் க்கு வைச்ச வெஜிடபிள் ஆப்பு .இதை சூப் என்றும் சொல்லலாம்.

வெஜிடபிள் சூப்

தேவையானவை

கீரை கால் கிலோ
ப்ரோக்லி கால் கிலோ
தக்காளி கால் கிலோ
வெங்காயம் 1 
பச்சை மிளகாய் 2
நச்சீரகம் 1 டீஸ்பூன்
பூடு 2 பல்லு
மயோனஸ் கால் கப் அல்லது க்ரீம் 
பட்டர் 1 டேபிள் ஸ்பூன்
மிளகு 1 டீஸ்பூன்
உப்பு தேவையான அளவு

செய்முறை

1.காய்கறிகள் ,வெங்காயம் ,பச்சை மிளகாய்,பூடு என்பவற்றை சுத்தம் செய்து நறுக்கி வைக்கவும்.

2..சட்டியை அடுப்பில் வைத்து சூடாகியதும் பட்டரை போட்டு நறுக்கிய வெங்காயம் பச்சை மிளகாய் ,சீரகம்,பூடு என்பவ்ற்றை உப்பு சேர்த்து தாளிக்கவும்

3..அதனுடன் காய்கறிகள் எல்லாவற்றையும் சேர்த்து வதக்கி 4 கப் தண்ணீர் சேர்த்து வேக விடவும்.

4. வெந்ததும் மயோனஸ் ஐ சேர்த்து எலக்ரிக் ப்ளெண்டரால் அடிக்கவும்

மிளகு தூவி சாப்பிடவும் .செம டேஸ்ட் .

அத்தோட இந்த ஒவன் ல வச்சு பொரிச்சு எடுத்த இறால் ம் சேர்த்து சாப்பிட்டால் ம்ம்ம் ஜமி ஜமி.

அன்னையர் தினம் 2017

இதோ இந்த மாதம் அன்னையர்கள் தினம் வரவிருக்கிறது.

இங்குள்ள குழந்தைகளுக்கு எப்போதுமே அப்பா அம்மாவை சிறப்பிக்க கற்றுக்கொடுத்து ஊக்கமும் கொடுப்பார்கள்

.

அதேபோல் மதர்ஸ்டே ஃபாத்ர்ஸ் டே க்கு 
வரைவதோ மனசிலிருந்து வார்த்தைகளை எழுதி அன்பளிப்பு செய்வதோ சிறிய  அழகுப்பொருட்கள் செய்து தருவதோ சொல்லிக்கொடுத்திருப்பார்கள்.கடைகளிலும் வழக்கம்போல் தருணமறிந்து
சம்மந்தப்பட்ட அன்பளிப்புக்களை முன்னிறுத்த தொடங்கிவிட்டார்கள்.

நம்மில் எதைச்செய்தாலும் சலிப்பை வெளிப்படுத்தும் சிலர் இருப்பார்கள்.இவர்கள் சொல்லக்கூடும் தினமும் நேசித்தால் போதும் வருடத்தில் ஒருமுறை வரும் தினத்தில் பகட்டுக்காட்டத்தேவையில்லை என்று.

அவர்களுக்கெல்லாம் மண்டையில் ஓங்கி ஒரு குட்டு

ஒரு அம்மாவாக நான் தினமும் நேசிக்கப்படுவதையும் விரும்புகிறேன்.அத்தோடு எனக்குரிய நாளில் என்னை மகிழ்ச்சிப்படுத்துவதையும் மிகவும் விரும்புகிறேன்.

அன்பளிப்பு என்றால் அது பணச்செலவு என்றோ ,அல்லது பெறுமதி மிக்கதாக இருக்கவேண்டும் என்றோ நினைத்தால் அவ்வாறானவர்கள் எதிர்பார்ப்பதையும் ,கொடுப்பதையும் தவிர்ப்பதே சிறந்தது.இங்கு கொடுப்பவருக்கும் 
திருப்தி இருக்காது பெறுபவருக்கும் நிறைவு ஏற்படாது.
அல்லது மேற்குறிப்பிட்டவாறு ஒரு நொண்டிச்சாக்கை சொல்லிவிட்டு கடந்து சென்றுவிடுங்கள்.

என் வீட்டில் எனக்கு சப்ரைஸ் கிஃப்ட் வேண்டாம் என்று நானே என்ன எனக்குத்தேவை என்று சொல்லிவிடுவேன்.சொல்லாவிட்டால் கடும் விலையில் கண்ணுல கண்டதெல்லாம் கிஃப்டா வந்துடும்.

அந்த அவஸ்தையை நான் குடுக்க விரும்புவதில்லை. இந்த தடவை கடைசி படத்தில் இல் உள்ள Panda Bear/Cub Floating Tea Infuser ஐ சப்ரைஸ் ஆக வாங்கித்தரும்படி கேட்டு வைத்துள்ளேன்.

அதேபோல் உங்களுக்கு டீன் ஏஜ் பிள்ளைகள் இருந்தால் இன்னும் கவனமாக முன்னமே சொல்லி வைப்பது நல்லது .அல்லது பாவம் பிள்ளைகள் ஓடி ஓடி ஏதாவது வாங்கி அது அடங்காமல் இன்னொன்று வாங்கி 
கண்டபடி செலவு செய்துவிடுவார்கள்

.

இந்த தடவையும் சில கிஃப்ட் ஐடியாக்கள் சிலர் கேட்டபோது பேஸ்புக்கிலும் மெயில் இலும் எனக்கு வந்த ஆஃப்பர் களை க்ளிக் பண்ணி அப்படியே அனுப்பினேன் அதை இங்கும் தந்திருக்கிறேன்.எடிட் பண்ணி போட்டோவை மட்டும் தருவதை விட ஸ்க்ரீன் ஷாட் ஐ அப்படியே
தருகிறேன் ஸ்டோர் நேம் ,விலை எல்லாம் பார்க்கக்கூடியதாக இருக்கும்.{எடிட் பண்ண சோம்பல் வேறு}
யாரங்கே கடுப்பாகுவது?????????

இதோ

1. எல்லா அம்மாக்களுக்கும் சுத்தம் விரும்பிகளாகவே இருப்பார்கள்.நீங்கள் தினமும் ஒத்துழைக்கவில்லை என்றால்கூட இந்த நாளில் வீட்டை அழகு படுத்திக்கொடுங்கள்.
எங்களுடைய ரூம் ஐ அழகு படுத்திக்கொடுங்கள்
கிச்சன் ல் உள்ள கபேர்ட்களுக்கு அழகான பொருட்களை வாங்கி நீங்களே அடுக்கி சுலபமாக்கி கொடுங்கள்.
முக்கியமாக அம்மாக்கள் பழசையும் விடமாட்டார்கள் அதை மெல்ல டொனேட் பண்ணிவிடுங்கள்.
{உதாரணம் படம் 1,படம் 2 }

2.எங்களுக்கு புத்தி சொல்வதை குறைத்து உங்கள் நன்மை கருதி நாங்கள் சொல்லும் புத்திமதிகளை அம்மாநாளை முன்னிட்டு ஏற்றுக்கொள்ளத்தொடங்குங்கள்.

3.கொஞ்சிக்கொஞ்சி கவிதை எழுத வேண்டாம் .எங்களை குளிக்க வைத்து தலைசீவி விடவும் வேண்டாம்.உங்கள் வேலைகளை நீங்களே பார்க்கப்பழகுங்கள்.

4.எந்த நேரமும் ஸ்க்ரீனை பாத்துக்கொண்டு எதையாவது கொரிக்க வேண்டாம் எங்களோடும் நேரம் செலவிடுங்கள்.{அம்மாக்களும்தான்}

5.அலங்காரப்பொருட்களை அன்பளிப்பாய் கொடுத்து அழகு பார்த்தது போதும் நம்மை அலங்கரிக்க நேரமும் ஊக்கமும் கொடுங்கள்.

6.செய்யுறது எல்லாத்தையும் செஞ்சுட்டு ஐ லவ் யூ என்று கட்டிப்பிடிக்க வேண்டாம்.உங்கள் நேசத்தை தினம் தினம் உங்கள் ஒவ்வொரு செயலிலும் வெளிப்படுத்துங்கள்.

7...அம்மாக்கான நாள் என்று கூகிள் ல் படம் தேடி பேஸ்புக் ல் கவிதை எழுதுவதை விடுத்து அந்த நாள் முழுவதும் நாம் செய்யும் அத்தனை வேலைகளையும் செய்து கொடுங்கள்.
(சும்மா இருப்பது எவளவு கஷடம் என்று நீண்ட நாட்களின் பின் அம்மாவுக்கும் புரியட்டும்}

8.திருமணமான பிள்ளைகள் அம்மா வூட்டுக்கு போனால் உக்காந்த இடத்தில் விரும்பியது வரும் என பீற்றுவதை விடுத்து பிள்ளைகள் வந்தால் என்னை உக்கார வச்சு விரும்பியது செய்து தருவார்கள் என்றுகூட 
அம்மாவை சொல்ல வைத்து மகிழ்ச்சிப்படுத்தலாம்.
காரணம் அம்மாவின் உழைப்பின் காலம் அதிகம்,வாழ்வின் காலமும் உங்களின் இரு மடங்கு அருகிக்கொண்டிருக்கும்,வயசின் இடையூறுகள் கண்டிப்பாக இருக்கும், 
தன் செல்வங்கள் முன் அதையெல்லாம் காட்டி கொடுக்க மாட்டார்கள்.உங்களைப்பார்த்த சந்தோசத்தில்
கிடைக்கும் தற்காலிக அதீத எனேர்ஜியில் செயல்படுவார்கள்.அவர்கள் ஓய்வில் அக்கறை செலுத்துங்கள்

9.பிள்ளைகள்தான் அம்மாக்கள் ற்கு செல்லமாக இருக்க வேண்டும் என்பதல்ல அம்மாக்களையும் நீங்கள் செல்லமாகவே வழிநடத்தலாம்.

10.கேட்டுக்கொள்ளுங்கள் உங்களுக்கு தலைவாரிப்பூச்சூடி விடும் அம்மாக்கள் அல்ல நாங்கள் .எங்கள் சிரமத்தை குறைக்க தலைமுடியை வெட்டி விட்டு சிலிப்பியபடியே பள்ளிக்கு அனுப்பும் அம்மாக்கள் நாங்கள்.
நீங்கள் நெட் இல் என்ன பார்த்தீர்கள் என்ற கிஸ்ட்ரி பார்ப்பது மட்டுமல்ல நீங்கள் பாத்துவிட்டு டிலீட் பண்ணியதைகூட துப்பறியும் அம்மாக்கள் நாங்கள்.ஆகவே நமக்குரிய மதிப்பை நீங்கள் தந்துதான் ஆகவேண்டும்.

11.11.உங்கள் கழுதை வயசுக்கு அப்பறமும் அம்மாவை வச்சு உங்களுக்கும் பிள்ளைகளுக்கும் ஆக்கித்துன்னுறதை விடுத்து, அம்மாவுக்கும் சமூக வலைத்தளம் என்ற பொழுதுபோக்குகளை அறிமுகப்படுத்தி உங்களுடன் சேர்ந்து பயணிக்க வையுங்கள்.

சோ அன்பளிப்பிற்கும் அதிகமாக எங்களுக்கு மதிப்பளிக்க பழகிக்கொள்ளுங்கள்.

முக்கியமாக அம்மாக்கள் பிள்ளைகளை சிடுசிடுக்காமல் குறைபிடிக்காமல் ஆதரித்துக்கொள்ளுங்கள்

கிவ்ட் ஐ முன்னாடியே தயார் பண்ணி வைத்துவிடுங்கள்.

அனைத்து அன்னையர்களும் சிறப்பாக கொண்டாடி மகிழுங்கள்.

இன்னும் சில படங்கள் பின்னர் இணைக்கிறேன்.

சுரேஜினி பாலகுமாரன்.

ஷேரா ஒரு அழகான பெண் .கடந்த  க்றிஸ்மஸ் க்கு எங்கள் வீட்டுக்கு வந்தபோது நாங்கள் பின் விளைவுகளை பற்றி அறிந்திருக்கவில்லை.
இப்போதெல்லாம் அவளால் நமக்குள் அடிக்கடி சச்சரவுகள்.
 இந்த ஷேரா வை விட்டுட்டு நாம எங்கேயுமே போக முடிவதில்லை .அது கூட பரவாயில்லை  ஒரு டபிள் பெட் ல 4 பேர் . இப்போ ஷேரா வும் நடுவில் .நான் சண்டை போட்டுக்கொண்டு  அடிக்கடி தொட்டிலுக்குள்
போய் முடங்கி தூங்கி விடுகிறேன்.

ஷேரா  வுக்கு நேரத்திற்கு நேரம் முட்டை,யூஸ் ,குக்கி எல்லாம் கொடுக்க வேண்டி இருக்கிறது.
அடிக்கடி அழகான ட்ரெஸ் எல்லாம் தேவைப்படுகிறது.முடியே இல்லாட்டாலும் முழுக்கும் கேர் ட்ரையரும் கேக்குது .
நேற்று என் கேர்ள்ஸ் க்கு காய்ச்சல் க்கு டாக்டரிடம் கூட்டி போனோம் .ஆனால் இந்த ஷேரா வழக்கம் போல டைப்பரும் கட்டிக்கொண்டு அங்கேயும் வந்துவிட்டாள் அவ்வ்வ்வ்வ்வ்வ்வ்வ்வ்வ்வ்
இப்போ காருக்குள் ஷேராவுக்கும் பேபி ஸீட் வேணுமாம் டெய்லி ஏகப்பட்ட பஞ்சாயத்துக்கள் .ஸ்ஸ்ஸ்ஸ்ஸ்பபாடா எத்தின பிரச்சனைகளுக்கு முகம் குடுத்தாலும் இந்த கொசுறு பிரச்சனையை தீர்க்க முடியாமல் இருக்கே

சம்பவம் சம்பவம்

டொரண்டோ பெரும்பாகங்கள் எச்சரிக்கையுடன் கூடிய கடும் குளிரை கட்டி அணைத்துக்கொண்டு தன்இறுதி சுற்றுக்கு நகர்கிறது.

அறிவுறுத்தப்பட்டபடி நேற்றுத்தொடங்கி இரவிரவாக பூமியை நனைத்து பகல் பொழுதும் குளிரை அள்ளி வீசிக்கொண்டிருக்கும் வெண்பனியை , வீட்டுக்குள் இருந்து ஜன்னல் வழி நோக்கமுடியாமல்
கண்ணாடியை பற்றிப்பிடித்து கண்ணை அடைத்தபடி காட்சி அளிக்கிறது பனிக்கோலம் .

வழக்கமான குளிர் கால இரவுச்சுற்றுலாவில் தேனீர் உடன் அழகையும் பருகிவிட்டு 8.30 க்கு இரவுத்தூக்கத்திற்கு வீட்டில் நுழைந்தோம்.
{ஆம் இரவு சாப்பாட்டை முடித்துக்கொண்டு காரை எடுத்துக்கொண்டு ஆளுக்கொரு லார்ஜ் சைஸ் கோப்பியும் வாங்கிக்கொண்டு இரவின் அழகில் 1 மணிநேரமாவது வலம் வருவோம். திருமணமானதில் இருந்து தொடங்கிய 
இந்தப்பழக்கம் தொடர்ந்து கொண்டே இருக்கிறது.]

கதகதகப்பாக அமைதியாக அரவணைப்பாக இருந்தது குளிர்கால இரவுப்பொழுதை உட்கொண்ட வீடு.

தூக்கத்திற்கான ஆயத்தங்கள் முடித்து மெழுகுதிரி வெளிச்சத்தில் அரைமணிநேர உரையாடல் .

அதுவும் முடித்து ,,,,,,

தூக்கம் அன்பாக அழைத்தது.மெல்லிய வெளிச்சத்தில் ஆளுக்காள் இரவு வணக்கங்களின் பரிமாற்றம்.

அழகான தூக்கம்......அதை கலைத்தபடி அருகி வருகிறது அதைவிட அழகான விடியல் ,,,,,, ஆனால் நானோ அவசரமாக ஏதோ கனவு,,,,, கனவில் அருமையான இடம்.
இளவேனில் காலத்தின் இதழ் கொண்டு அசைந்தாடும் இலைகொண்ட மரங்கள்.
இசபாடி இசைபாடி அதன்பாட்டில் இறகுகள் அசைக்கும் பறவைகள்.
மண்ணின்கீழ் கட்டிய வீட்டில் இருந்து வெளியே விளையாடும் சாம்பல் குட்டியை எட்டிப்பார்க்கிறது அம்மா முயல்.

வாலை ஆட்டி விரட்டியபடி வரிசையாக இரண்டு அணில்கள்.

ம்ம்ம்ம் நான் எங்கே நிற்கிறேன். திடீரென்று என்மேல் சாரல் அடிக்கிறது. சல் சல் என்கிறது தண்ணீரின் தவில் இசை.

ஓ நான் அருவிப்பக்கம் குளியல் எடுத்துக்கொண்டிருக்கிறேன் போல் இருக்கிறது.தண்ணீர் இன்னும் கொஞ்சம் அதிகமாக முகத்தில் அடிக்கிறது.

அப்போது ஒரு சத்தம் .ஆம் என் கண்ணான கணவரின் கடும் குரல்தான்.

அம்மா எழும்புங்கோ எழும்புங்கோ அடோரா தண்ணி ஊத்துறாள்.

கொக்கா மக்கா ,பயபுள்ள 4 மணிக்கு எழும்பி பக்கத்தில நைட் டேபிள் ல ஹஸ் வச்சிருந்த ஒன்றை லீட்டர் தண்ணி போத்தலை எடுத்து( போத்தலை விட கொஞ்சம் வளந்துட்டோம் எங்கிற திமிர்தான்]
திறந்து எழும்பி நிண்ட படியே அம்புட்டு தண்ணியையும் நமக்கு ஊத்தி தெப்பலா நனைய வச்சுட்டு கொஞ்சம் கூட நனையாமல் நம்மை பாத்து சிரிச்சாளே என்னத்தை சொல்ல.......அவ்வ்வ்வ்வ்

சரி போனா போகுது நாளைக்கு இதைவிட நல்ல கனவு வராமலா போகுது.

pineapple corer

நம் சின்ன சின்ன நாளாந்த வேலைகளை அழகாக்குவதும் சுலபமாக்குவதுமான பொருட்களை தேடித்தேடி வாங்குவதில் எனக்கு ஆர்வம் என்றும் அவை எல்லாமே பயனளிப்பதில்லை என்பதும் அவ்வாறு பயனளிக்கும் பொருட்கள் சில பிடித்துப்போனால்
நான் மற்றவர்களுடன் பகிர்ந்து செல்வதும் என் சார்ந்தவர்களுக்கு தெரிந்ததே.அந்த வகையில் இன்றைய பகிர்வு pineapple corer.

பைனாப்பிள் சாப்பிட விருப்பம் வந்தாலும் யாராச்சும் கிளீனா வெட்டி தந்தால் நல்லாயிருக்கும் என்றிருக்கும்.அத்தோடு நான் வழக்கமாக கத்தியால் வெட்ட தொடங்கினால் எல்லா பக்கமும் வெட்டிக்கழித்து சாப்பிட கொஞ்சூட்டுதான்
வரும்.கை வேற பிசு பிசு ஆகீடும்.

ஆனால் இந்த pineapple corer ஐ உபயோகிக்க பைனாப்பிளின் மேல் பக்கத்தை வெட்டி எடுத்து விட்டு corer ஐ நடுவில் வைத்து கொஞ்சம் அழுத்திக்கொண்டு சுழற்றினால் அழகாக வட்டமாக வெட்டி எடுக்கலாம்.

எடுத்தபின் அன்னாசிக்குள் தண்ணீர் விட்டு சுகர் சிறுது சேர்த்து கரண்டியால் உள்ளே சுற்றி இருக்கும் அன்னாசி தசைகளை கொஞ்சமாக சுரண்டி தண்ணீருடன் கலந்து fresh அன்னாசி யூஸ் எடுத்துக்கொள்ளலாம்.

எல்லாவற்றிற்கும் பின் வெளிப்புற அன்னாசியை உடனே குப்பையில் தூக்கி போடாமல் 2 நாள் கிச்சன் ல் வைத்திருந்தால் கிச்சன் சமையல் மணங்களை விடுத்து கம கம அன்னாசி வாசனையுடன் இருக்கும்.

cabbage rolls

போனவாரம் டாக்டர் அப்பொயிண்ட்மண்ட் க்கு போய் வெயிட் பண்ணும்போது , அடடே டயட் ல இருக்கோமே வெளிய சாப்பிடாமல் வீட்டுக்கே போய் 15 நிமிஷத்தில என்ன சமைக்கலாம் ????
அப்பிடி நினைச்சுக்கொண்டே வழக்கம்போல மகஸீன்ஸ் ஐ எடுத்து புரட்டத்தொடங்கினால் இந்த ரெஸிப்பி கண்ணுல பட்டதும் சில வருஷங்களுக்கு முன்னால 
ஒரு க்றிஸ்மஸ் க்கு செய்து எல்லாருமே நல்லாயிருக்கிறதா சொன்னதும் ஞாபகம் வர வீட்டுக்கு வந்து ப்ரீஸர் ல இருக்கிற மீற் ஐ எடுத்தால் டைம் காணாது என்றதால வரும்போதே மீற் ஐ வாங்கி வந்து 15 நிமிசத்தில இது ரெடி.

நீங்களும் செய்து சாப்பிட இதோ ரெஸிப்பி

cabbage rolls

தேவையானவை

காபேஜ் 6 இதழ்கள்
விரும்பிய மீற் அரைக்கிலோ {ground beef}
வெங்காயம் 2
தனி மிளகாய்த்தூள் 2 டேபிள் ஸ்பூன் { விரும்பும் காரத்திற்கு ஏற்ப அதிகமாகவோ குறைவாகவோ சேர்த்துக்கொள்ளவும்}
சீரகம் 1 டீஸ்பூன்
Rosemary சிறிது 
இஞ்சி பேஸ்ட் அரை டீஸ்பூன்
உள்ளி பேஸ்ட் 1 டேபிள் ஸ்பூன்
cheddar cheese துருவல் 2 டேபிள் ஸ்பூன்
பட்டர் அரை டேபிள் ஸ்பூன்
உப்பு தேவையான அளவு
டுத் பிக் சில

செய்முறை

1. வெங்காயம் ,மிளகாய் ,ரோஸ்மெரி என்பற்றை சிறிதாக வெட்டவும்

2. மீற் க்குள் வெங்காயம் ,மிளகாய் ,சீரகம் ,ரோஸ்மெரி,இஞ்சி உள்ளி பேஸ்ட் ,தனிமிளகாய்த்தூள் ,சீஸ் , உப்பு எல்லாவற்றையும் நன்கு மிக்ஸ் பண்ணவும்

3.அடுப்பில் பாத்திரத்தை சூடுபண்ணி எண்ணெய் தண்ணி எதுவும் சேர்க்காமல் மிதமான தீயில் மீற் கலவையை வேக வைத்து எடுக்கவும்

4.காபேஜ் ஐ இதழ்களாக எடுத்து இலையின் நடு தண்டை நீக்கிவிட்டு ஆவியில் வேக வைத்து எடுக்கவும்

5.ஸ்டீம் செய்த காபேஜ் இலையை எடுத்து ரெடியாக வைத்திருக்கும் மீற் ஐ அதற்குள் வைத்து சுருட்டி டுத் பிக் ஆல் குத்தவும்

6 .மறுபடி அடுப்பில் பாத்திரத்தை வைத்து மிதமான தீயில் பட்டரை உருக்கி அதில் காபேஜ் ரோல்ஸ் ஐ ஒரு 15 செக்கன் வைத்து எடுக்கவும்

ம்ம்ம்ம் ஜம்மி