ஸ்ரீலங்கன் மாங்காய் மீன் சொதி

தேவையானவை
மீன் துண்டுகள் அல்லது மீன் தலைப்பகுதி 2
மாங்காய் 1 அல்லது புளி{சிறிதளவு}
மஞ்சல் 1 டீஸ்பூன்
பச்சை மிளகாய் 2 
தேங்காய்ப்பால் அரை கப்

தாளிக்க 
கருவேப்பிலை
பெருஞ்சீரகம்
கடுகு

கடுகு, சீரகம் கருவேப்பிலை தாளித்து அதனுள் மீன் ,மிளகாய்,மஞ்சல் ,உப்பு எல்லாவற்றையும் அதனுடன் சேர்த்து 2 கப் அளவு தண்ணீர் விட்டு கொதிக்க விடவேண்டும் .

மீன் வேகும்வரை கொதித்ததும் தேங்காய்ப்பாலை விட்டு அடுப்பை அணைக்கவும்.
மிகவும் சுவையான சொதி தயாராகி விடும்.

யாராவது பிஸியில் மறந்து போய் இருந்தால் இந்த வாரம் செய்து சாப்பிடலாமே.

மிக மிக ஈஸியானது.

ஈரோப் வாழ் ஈழத்தமிழர்களுக்கு கனடா என்றதும் என்ன ஞாபகம் வருதோ இல்லியோ இங்கு 3 டொலர்களுக்கு 25 இடியப்பம் சொதியும் சம்பலும் கிடைக்கும் என்பது ஞாபகம் வந்து தொலைத்து விடும் .
நாம் வேறு நாடுகளுக்கு செல்லும்போது அதை சொல்லிக்காண்பிக்க மறக்க மாட்டார்கள் {.எல்லாம் கடும் பொறாமைதான் காரணம் கிக்க்கீ}
.இடியாப்பம் பிழிவது கஷ்டமாகையால் அதை வீட்டில் அடிக்கடி செய்ய மாட்டார்கள்.கொஞ்சம் விசேஷ சாப்பாடாகவே அதை பாவித்து வந்தோம் .ஆனால் இங்கு கைபடாமல் மஷினில் பிழிந்து சுவையாக மென்மையாக
மலிவாக கிடைப்பதால் இந்த விஷயம் உலகப்புகழ் பெற்று விட்டது.

நாங்களும் சலிப்பு ஏற்படாதவாறு தேவைக்கேற்ப மாசத்தில் 2 தடவையாவது வாங்கினாலும் ஏனோ அந்த இடியாப்பத்துடன் காம்போவாக வரும் சொதி சம்பல் பிடிப்பதில்லை.
அதற்குபதில் நானே மீன் குழம்பு அல்லது கோழிரசம அல்லது பருப்பு சொதி என செய்து கொள்வேன்.

இன்று இடியாப்பம் வாங்க வேண்டி வந்ததால் இந்த நம்மூர் பாரம்பரிய சொதியை சில நிமிடங்களில் செய்தேன்.